"نفسي أديكي علقة".. حسام موافي يوجه رسالة نارية لسيدة (فيديو)
وجه الدكتور حسام موافي، استشاري طب الحالات الحرجة بطب القصر العيني، رسالة نارية إلى إحدى السيدات التي أرسلت له تساؤلًا عبر برنامجه، قائلًا "كلامك غريب جدًا ونفسي أديكي علقة".
وقرأ "موافي" خلال تقديم برنامجه "ربي زدني علمًا" المذاع على فضائية "صدى البلد" مساء اليوم الجمعة الرسالة من سيدة تقول فيها "أنا عندي جلطة في رجلي وكانت تتحرك في جسمي وجاءت ليا وأنا عندي 17 سنة طلعت المناعة بتاعتي عالية".
ليعقب موافي بقوله “دي كلمة علميًا خطأ مفيش حاجة اسمها أمراض مناعية ومفيش حاجة اسمها عالية وواطية”، لتعود صاحبة الرسالة تقول “قربت على الجواز وسألت الدكتور أنهي علاج لن يؤثر على الحمل”، ليرد موافي "هذا سؤال مهم أي حد لازم يسأله".
وتابعت السيدة "أنا عندي 19 سنة واتجوزت وبعدين مشيت في مشوار الحمل وحملت مرتين وسقطت وكل الدكاترة قالوا العلاج اللي بخده وبيدفع فلوس كتير وأنا زهقت من العلاج وقولت له سيبني انت مش مجبور تفضل معايا"، ليعقب موافي "نفسي أديكي علقة والله العظيم شعوري أمسكك أضربك علقة".
واستطرد "أنتي تتطوعي بكلام غريب وأنتي تفترضي أنه زهق وهو بيحبك وهيصرف عليه كل مليم وهو ماشي معاكي لأنه عارف أن هذا نصيب، ليس حقك لما يقولك أنا مش عايز أعيش معاك ده موضوع تاني".
